လွယ်ကူသက်သာသဘာဝနည်းနဲ့ ကျောက်ကပ်သန့်စင်ရအောင်

ကျောက်ကပ်က ခန္ဓာကိုယ်တွင်း ၊ သွေးထဲက အညစ်အကြေး၊ ဆား၊ စွန့်ပစ် ပစ္စည်း၊ အဆိပ်အတောက်အားလုံးကို စွန့်ထုတ်ဖယ်ရှားသန့်စင်ပေး ပါတယ်။ မိမိ စားသုံးသမျှ ထဲက မလိုလားအပ်တဲ့ ဓာတ်များကို ကျောက်ကပ်မှ ဖယ်ထုတ်ပေး ပါတယ်။ လူရယ်လို့ စဖြစ်ကတည်းက ယနေ့ အသက်ရှင်တဲ့ အချိန်တိုင်း မနားမနေ အလုပ် လုပ်ပေးနေရတဲ့ မိမိရဲ့ကျောက်ကပ်ကို အထူးဂရုစိုက်ပေးဖို့ လိုအပ်ပါတယ်။ ဂရုစိုက်ဖို့ဆိုတာလဲ ကျောက်ကပ်ကို သန့်ရှင်းနေစေဖို့ ဖြစ်ပါတယ်။ ဒါကြောင့် မို့ ကျောက်ကပ်ရောဂါ မဖြစ်အောင် လူတိုင်း လုပ်နိုင်တဲ့လွယ်

သက်သာသဘာဝ နည်းလမ်းလေးပါ။ 

ဒါကတော့လူတိုင်းသိတဲ့ နံနံပင်ပါဘဲ။

လုပ်ဆောင်ရမဲ့နည်းလမ်းတွေကတော့

(၁) နံနံပင် ၁၀ ပင် ၁၅ပင်ကို ရေစင်စင်ဆေးပါ။

(၂)ရေဆေးပြီးတဲ့နံနံပင်ကိုနုတ်နှုတ်စင်းထားပါ ။

(၃) ပုံမှာ ပြထားတဲ့ ရေတစ် ခွက် စာလောက်နဲ့စင်းထားတဲ့နံနံပင်ကို ရေနွေးအိုးထဲထည့်ပြီး ၁၀ မိနစ်လောက် ကြိုချက်ပေးပါ။

(၄)ကြိုပြီးရလာတဲ့ အရည်မှ နံနံရွက်များကို စစ်ထုတ်ပြီး ပြုတ်ရည်ကို အအေးခံထားပါ။ 

(၅)အေးသွားရင်ရေခဲသေတ္တာထဲထည့်ပြီးသိမ်းထားပါ။(ရေခဲသေတ္တာမလွယ်ကူရင်လဲအရိပ်လဲရအေးတဲ့နေရာမှာသိမ်းထားနိုင်ပါတယ်)။

အဲဒီအအေးခံထားတဲ့ နံနံပင်ပြုတ်ရေကို နေ့စဉ်နေ့တိုင်း တစ်ခွက်လုံးကုန်အောင်သောက်ပေးပါ။ထိုသို့သောက်သုံးပေးခြင်းအားဖြင့် မိမိ၏ကျောက်ကပ်ကို သန်ရှင်းစင်ကျယ်စေနိုင်ပါတယ်။

နံနံပင် မှာကျောက်ကပ်ကို အကျိုးပြုစေနိုင်တဲ့အာနိသင်တွေ ပေါများပြီး စျေးလဲမများသော သဘာဝဟင်းရွက်ပါဘဲ။ဒါကြောင့်စျေးလဲမများ လွယ်ကူသက်သာတဲ့ နည်းလမ်းလေးနဲ့ မိမိရဲ့ကျောက်ကပ်ကို သန့်စင်လိုက်ကြရအောင်နော်။

ပိုပိုဇော်(သဘာဝအားအင်)