အင်္ဂါဂြိုဟ်ပေါ်မှာ ဂြိုဟ်သားတွေနေထိုင်ကြောင်း NASA ပညာရှင်တစ်ဦး ထုတ်ဖော်

NASA မှာ တာဝန်ထမ်းဆောင်ခဲ့ဖူးတဲ့ သိပ္ပံပညာရှင်ဟောင်းတစ်ဦးကတော့ အင်္ဂါဂြိုဟ်ပေါ်မှာ ဂြိုဟ်သားတွေ အမှန်တကယ်နေထိုင်တယ်ဆိုတာ သေချာကြောင်း ဆိုပါတယ်။ သိပ္ပံပညာရှင်ရဲ့နာမည်ကတော့ Gilbert V Levin ဖြစ်ပြီး၊ အငြိမ်းစားယူထားပြီဖြစ်တဲ့ သိပ္ပံပညာရှင်၊ စာရေးဆရာတစ်ဦး ဖြစ်ပါတယ်။

Levin ရဲ့အဆိုအရ အင်္ဂါဂြိုဟ်ပေါ်မှာ နေထိုင်တဲ့ ဂြိုဟ်သားတွေကို လွန်ခဲ့တဲ့နှစ်ပေါင်း (၄၀)ကတည်းက အတည်ပြုနိုင်ခဲ့တာပါတဲ့။ သူဟာ ဒီအကြောင်းကို Scientific American ဂျာနယ်မှာ အတိအလင်းထုတ်ဖော်ရေးခဲ့တာပါ။ (၁၉၇၅)ခုနှစ်မှာ NASA ဟာ Viking စစ်ဆင်ရေးစတင်ခဲ့ရာ၊ အဲဒီအတောအတွင်းမှာ ဂြိုဟ်သားတွေ အင်္ဂါဂြိုဟ်မှာ နေထိုင်ကြောင်း အတည်ပြုနိုင်ခဲ့တယ်လို့ ပြောပါတယ်။

NASA ဟာ ထိုစဉ်တုန်းက အင်္ဂါဂြိုဟ်ဆီကို အာကသယာဉ်နှစ်စီးနဲ့ လေ့လာရေးသမား (Lander)နှစ်ဦး စေလွှတ်ခဲ့ကြောင်း၊ ထိုစဉ်က Lander နှစ်ယောက်ရဲ့ ကြိုစားမှုနဲ့ အင်္ဂါဂြိုဟ်မျက်နှာပြင်ရဲ့ ပထမဆုံးကာလာဓာတ်ပုံတွေ ရရှိခဲ့ပါတယ်။ Levin ဟာ ထိုစဉ်က သက်ရှိခြေရာခံစက် Labelled Release စက်တစ်လုံးကို ထိန်းချုပ်မောင်းနှင်ရတာဖြစ်ပြီး၊ (၁၉၇၆)ခုနှစ်မှာ အပြုသဘောဆောင်တဲ့ ရလဒ်ကို လက်ခံရရှိခဲ့တယ်လို့ ဆိုပါတယ်။

သူုတို့ဟာ အပြုသဘောဆောင်တဲ့ ရလဒ်(၄)ခုကို အတည်ပြုနိုင်ခဲ့ပြီး၊ ဒီရလဒ်ကို အတည်ပြုနိုင်ဖို့ မတူညီတဲ့စက်(၅)မျိုးရဲ့ဝန်းရံမှုကို အသုံးပြုကာ အတည်ပြုချက်တွေ ရယူနိုင်ခဲ့တယ်လို့ ဆိုပါတယ်။ ၎င်းစက်တွေကို စေလွှတ်လိုက်တဲ့ အာကာသယာဉ်နှစ်စီးက မိုင်(၄၀၀၀)အကွာဆီမှာ နေရာချထားပြီးစုံစမ်းထောက်လှမ်းစေခဲ့တာပါလို့ လ က ပြောပါတယ်။

သူတို့ဟာ မြေသားနမူနာထဲမှာ Microbial respiration ရှိမရှိကို စမ်းသပ်ခဲ့ပေမယ့်၊ သက်ရှိတွေရဲ့ လက္ခဏာရပ်တွေကို ခြေရာမခံနိုင်ခဲ့ပါဘူး။ သို့သော်လည်း NASA ဟာ သက်ရှိအတုအယောင်သဘောမျိုး သို့တည်းမဟုတ် သက်ရှိလို့ ယူဆရတဲ့အရာတွေကို အတည်ပြုနိုင်ခဲ့တယ်လို့ ပြောပါတယ်။

Levin ရဲ့အဆိုအရ NASA ဟာ (၂၀၂၀)မှာ အင်္ဂါဂြိုဟ်ဆီကို နောက်ထပ်အာကာသယာဉ်တွေ စေလွှတ်ဦ်းမှာဖြစ်ကြောင်း၊ ဒါပေမယ့် သက်ရှိတွေ အဲဒီအပေါ်မှာ ရှိမရှိစမ်းသပ်ဖို့ ကိရိယာတွေ ပါဝင်တော့မှာ မဟုတ်ဘူးလို့ ဆိုပါတယ်။ (၂၀၁၆)ခုနှစ်တုန်းကလည်း Levin ဟာ The Case for Extant Life on Mars and Its Possible Detection by the Viking Labelled Release Experiment ဆိုတဲ့ခေါင်းစဉ်နဲ့ ရေးသားခဲ့ပြီး၊ လူအများ စိတ်ဝင်စားမှု ရရှိခဲ့ပါတယ်။

လင်းသူရိန်