ဆေးစွမ်းထက်မြက် ရှားစောင်းလက်ပပ်

 မြန်မာနိုင်ငံ အပူပိုင်း ဒေသများတွင် အဓိကပေါက် ရောက်သော ရှားစောင်းလက်ပပ်သည် မြန်မာ့အိမ်ရှင်မ

များ၏ အလှအပရေးရာနှင့် လူ့ကျန်းမာရေးကို များစွာ အထောက်အကူပြုသော တိုင်းရင်းဆေးဖက်ဝင် အပင်တစ်မျိုးဖြစ်သည်။

ရုက္ခဗေဒအမည် (Barbodos Aloes)၊ ရှားစောင်းလက်ပပ်အပင်သည် ရေ၊ မြေ၊ ဥတု သဘာဝဒဏ်ကို ခံနိုင်ရည်ရှိသည့်အပြင် တော၊ တောင်၊ လယ်ယာကန်သင်းများတွင် အလေ့ကျပေါက်လေ့ရှိသော အပင်တစ်မျိုးဖြစ်သည်။

အရည်ရွှမ်းသော ပင်ပျော့ပင်ငယ်အမျိုးအစားဖြစ်ကာ အရွယ်အစားမှာ တစ်ပေမှ နှစ်ပေခန့်အထိ မြင့်လေ့ရှိပြီး ပင်စည်လုံးသီးသန့်မရှိဘဲ အပင်ခြေရင်းမှ အရွက်ငါးရွက်၊ ခြောက်ရွက်အထိ စုပြုံခက်ဖြာ၍ ထွက်လေ့ရှိသည်။ အရွက်များသည် အပေါ်ခွံအစိမ်းနုရောင်ရှိပြီး အတွင်း၌ ကျောက်ကျောကဲ့သို့ ပျစ်ချွဲသောအရည် အသားရှိကာ အလျားနှစ်တောင်ခန့်၊ အနံလေးလက်မဝန်းကျင်နှင့် အထူတစ်လက်မမှ နှစ်လက်မခန့်အထိရှိသည်။ ယင်းအပြင် ထိပ်ဖျားချွန်၍ အနားပတ်လည်တွင် ဆူးကလေးများခြားသည့် ပုံသဏ္ဌာန်လည်းရှိသည်။ အပင်၏ သုံးလေးနှစ်သက်တမ်းတွင် ရှည်လျားသောပန်းခိုင် ထွက်လာလေ့ရှိပြီး နီဝါရောင် အပွင့်လေးများ စုပြုံပွင့်လေ့ရှိသည်။

ရှားစောင်းလက်ပပ်သည် လူ့အကျိုးပြု အောက်ဆီဂျင်ဓာတ်များပါဝင်ပြီး အရေပြားဆဲလ်များကို အလိုလို

ပြုပြင်သန်မာစေသဖြင့် အရေပြားကျန်းမာရေးကို အထူးအထောက်အကူပြုသည်။ မီးလောင်နာ၊ အရည်ကြည်ဖု၊ နေလောင်ဒဏ်ကြောင့်ပျက်စီးသော အရေပြားထိခိုက်မှုများကို ရှားစောင်းလက်ပပ်အနှစ် အုံပေးခြင်းဖြင့် လျင် မြန်စွာပျောက်ကင်းစေသကဲ့သို့ အနာစိမ်း၊ နူနာ၊ ပွေး၊ ဝဲ၊ယားနာအမျိုးမျိုးကိုလည်း မှန်မှန်လိမ်းခြင်းဖြင့် သက်သာပျောက်ကင်းစေသည်။

ယင်းပြင် ခေါင်းမလျှော်မီ တစ်နာရီအလိုတွင် ရှားစောင်းလက်ပပ်ဖြင့် ဆံပင်ကိုပွတ်သပ်လိမ်းကျံခြင်းဖြင့် တစ်လ အတွင်း ဆံပင်နက်မှောင်သန်စွမ်းလာစေသည်။ ရှားစောင်းလက်ပက်သည် အမျိုးသမီးအလှကုန်ပစ္စည်းများ ကိုယ်သန့်စင်ဆေးရည်နှင့် ဆပ်ပြာများထုတ်လုပ်ရာတွင်လည်း အဓိကပါဝင်လေ့ရှိသည်။ ဝက်ခြံ၊ တင်းတိပ်များကိုပျောက်ကင်း၍ အသားအရေနုပျိုတင်းရင်းကာ အရွယ်မတိုင်မီ အိုမင်းခြင်းမှ ကာကွယ်ပေးနိုင်သည်။ ရှားစောင်းလက်ပက်အနှစ်ကို ပွတ်သပ်လိမ်းကျံပြီးမှ မျက်နှာသစ်ခြင်းသည် အလှကုန်ဝက်ခြံလိမ်းခြင်းနှင့် အသားလှကရင်မ်များထက် ၇ဝ ရာခိုင်နှုန်း ပို၍အစွမ်းထက်ထိရောက်သည်။

မြန်မာ့ဆေးကျမ်းများအလိုအရ ''ရှားစောင်းလက်ပပ်သည် အေး၍ ခါးသောအရသာရှိပြီး လေကိုနိုင်၏။အားကို ဖြစ်စေသော အစွမ်းသတ္တိရှိ၏'' ဟု ဖော်ပြထားသည်ကိုတွေ့ရသည်။ ရှားစောင်းလက်ပက်၏ ပဉ္စငါးပါးကို မီးရှို့၍ ရလာသောပြာကို ဆားအနည်းငယ်ခတ်၍စားလျှင် အမျိုးသမီးများ၏ မီးယပ်ရောဂါများကို ပျောက်ကင်းစေပြီး မီးယပ်သွေး စင်ကြယ်စွာဆင်း၏။ အတွင်းသားအနှစ်ကို ဗိုက်တွင်ကပ်၍အုံပေးပါက သွေးလုံး၊ လေလုံးများ အပြင်

ထုတ်ပေးနိုင်၏။ မျက်စိကိုအုံပေးလျှင် မျက်စိနာခြင်း၊ ကိုက်ခြင်း၊ ပူစပ်ခြင်းများ ပျောက်၏။ အရည်ညှစ်ပြီး နားတွင်းခပ်ပေးလျှင် နားကိုက်၊ နားနာ လျင်မြန်စွာပျောက်၏။ အကျိတ်နာ၊ သွေးစုနာများပေါ်တွင် အုံ၍စည်းထားပေးပါက အကျိတ်ကြေ၍ ပြည်ပေါက်ပြီး ငန်းမန်းပျောက်စေသည်။ ကိုယ်ရေဝါ (Jaundice) ရောဂါရှိသူများ စားသုံးပေးပါက ဆီးဝမ်းသက်၍ ရောဂါပျောက်သည်။ အတွင်းအနှစ်ကို လက်ချားမီးဖောက် အနည်းငယ်ဖြူး၍ စားလျှင်ရေဖျဉ်း ရောဂါပျောက်ကင်းသည်။ ဆန်ဆေးရေတွင်စိမ်ပြီး သကြား ခပ်သောက်လျှင် အမျိုးသားများတွင်အဖြစ်များသော ဆီးပူ၊ ဆီးအောင့်၊ ဆီးထိုးခြင်းနှင့် ဆီးကျောက်တည်ခြင်း စသောဆီးရောဂါများ ပျောက်ကင်းနိုင်သည်။

ယင်းအပြင် ရှားစောင်းလက်ပပ်သည် နှလုံး၊ အဆုတ်၊ အသည်းနှင့် ဆိုင်သောရောဂါများ ကို ပျောက်ကင်း စေပြီး  အရက်သောက်သုံးသူများ အတွက်လည်း အတွင်းသားအနှစ်ကို အစိမ်းလိုက်ဝါးစားခြင်းဖြင့် အသည်းကျန်းမာရေးကို ပြန်လည်ကောင်းမွန်စေသည်။ ကင်ဆာရောဂါဆေးဝါးများတွင်လည်းအသုံးပြုလာကြပြီး ဆေးပညာသတင်းများအရ

 ဆေးပညာရှင်များကလည်း ရှားစောင်းလက်ပက်မှ လူ့ခန္ဓာအကျိုးပြုဓာတ်ပစ္စည်းသစ်များ ထပ်မံ

တွေ့ရှိရကြောင်း ထုတ်ပြန်လေ့ရှိသည်ကို လေ့လာရသည်။ကမ္ဘာအနှံ့တွင် လူ့ကျန်းမာရေးကို အဘက်ဘက်မှ များစွာအကျိုးပြုသော ရှားစောင်းလက်ပပ်ဖြင့် ယို၊ အချိုရည်၊ သွားတိုက်ဆေး၊ မျက်နှာသစ်ဆေး၊ ဆပ်ပြာနှင့် ဆေးဝါးများတွင်ကျယ်စွာထုတ်လုပ်လာသည်ကို တွေ့ရသည်။

ဆေးဖက်ဝင် ရှားစောင်းလက်ပပ်ကို အညာဒေသများ၌ အလေ့ကျပေါက်ပင်အဖြစ် ပေါများစွာတွေ့မြင် ရသော်လည်း ကျေးလက်နှင့် မြို့ပြများတွင် အိမ်တွင်းဆေးဝါးဓာတ်စာအဖြစ်သုံးစွဲရန် ပန်းအိုများဖြင့်လည်းကောင်း၊ မြေတွင်ချ၍သော်လည်းကောင်း စိုက်ပျိုးလေ့ရှိသည့်အပြင် တိုင်းရင်းဆေးဖော်စပ်ရာတွင် အသုံးပြုမှုများသဖြင့် ဈေးကွက်ဝင် ပရဆေးအပင်အဖြစ် စီးပွားဖြစ်စိုက်ပျိုးမှုများလည်း ရှိပါကြောင်း လေ့လာတင်ပြလိုက်ရပါသည်။ ။

ကျော်စွာ(မကွေး)